حلة (قدر – طنجرة) الضغط الكهربية انستانت بوت

كتبته : | ولا تعليق واحد حتى | On : 2020-07-19 | التصنيف : أجهزة المطبخ

بدأت تنتشر مؤخرا بالأخص في دول الخليج فكرة استخدام حلل الضغط الكهربية، وآخرها حلة الضغط الكهربية إنستانت بوت. تعالوا مع بعض نتعرف على أجزاء الحلة دي ومميزات وعيوب حلة الضغط انستانت بوت

ليه ممكن الواحد يفكر يشتري حلة ضغط بالكهربا؟

عشان نجاوب على السؤال ده، خلينا نفهم الأول إيه الفرق بين حلة الضغط العادية وحلة الضغط بالكهربا:

1- حلة الضغط العادية، انتي اللي بتقفليها وبتحكمي غلقها كويس أوي
2- وكمان انتي اللي بتتحكمي في الوقت اللي هتاخده لطهي الأكلة اللي بتعمليها
3- وانتي كمان اللي بتستنيها تبرد وتقرري إمتى تفتحي صمام الأمان

بالنسبة لحلة الضغط بالكهربا، كل الكلام ده مش موجود. انتي كل اللي عليكي تقفلي الغطا قفلة عادية جدا، وتضغطي على البرنامج المناسب وهي هتكمل باقي الشغل لوحدها. يعني هتقرر تضغط أد إيه لمدة أد إيه وهتديكي إشارة أو صفارة لما تخلص وكمان هتفك الضغط لوحدها ومش هتقدري تفتحيها لو حاولتي قبل ما هي تفك الضغط.

إيه مزايا إنستانت بوت اللي تخليني أفكر فيها دونا عن باقي المعروضات من نفس النوع؟

1- هي الأشهر على مستوى العالم والأكثر مبيعا في أمريكا وعليها آلاف مؤلفة من التقييمات على موقع أمازون الشهير وتقدري تشوفيها بنفسك.
2- متاح لها كمية وصفات مهولة وتقدري تقريبا تعملي بيها أي حاجة بسهولة
3- حلتها الداخلية استانلس ودي حاجة تميزها جدا عن كتير من المعروضات التانية اللي حلتها الداخلية جرانيت أو تيفال
4- لها قطع غيار متوفرة وقطع إضافية كمان ممكن تشتريها وتركب معاها بسهولة زي مثلا غطا للحلة أو سلة للبخار
5- منها أحجام كتيرة تناسب مختلف عدد أفراد الأسرة

إيه الأجزاء اللي بتيجي مع الحلة؟

1- الحلة الكهربية الخارجية اللي هي أساس الشغل كله
2- الحلة الداخلية الاستانلس اللي هتطبخي فيها
3- شبكة استانلس بتدخل جوة الحلة وبتسهل عليكي تعملي مثلا أكلتين مع بعض في نفس الوقت
4- وعاء بلاستيك صغير لتجميع البخار المتصاعد وده بيركب في الحلة مش بيستخدم لوحده

إيه هي الأحجام المتوفرة من الحلة دي؟

٤ لتر
٦ لتر
٨ لتر

وللعلم، الحجم الصغير غير متوفر في الخليج حاليا

إيه هي أنواع الإنستانت بوت المتوفرة؟

بينزل منها أكتر من نوع، لكن اللي يهمنا ومتوفر في الوطن العربي هما نوعين اتنين

Instant pot duo انستانت بوت دو
Instant pot duo plus انستانت بوت دو بلس

سعر حلة انستانت بوت في الوطن العربي

حتى كتابة هذه السطور، ده سعرها الرسمي اللي موجود في كل المحلات

انستانت بوت دو ٦ لتر ٤٩٩ ريال سعودي
انستانت بوت دو ٨ لتر ٦٩٩ ريال سعودي
انستانت بوت دو بلس ٦ لتر ٧٤٩ ريال سعودي
انستانت بوت دو بلس ٨ لتر ٨٩٩ ريال سعودي

انستانت بوت دو ٦ لتر ٤٩٩ درهم إماراتي
انستانت بوت دو ٨ لتر ٥٩٩ درهم إماراتي
انستانت بوت دو بلس ٦ لتر ٦٤٩ درهم إماراتي
انستانت بوت دو بلس ٨ لتر ٧٩٩ درهم إماراتي

انستانت بوت دو ٦ لتر ٣٩.٥ دينار كويتي
انستانت بوت دو ٨ لتر ٤٧.٥ دينار كويتي
انستانت بوت دو بلس ٦ لتر ٥١.٥ دينار كويتي
انستانت بوت دو بلس ٨ لتر ٦٣.٥ دينار كويتي

انستانت بوت دو ٦ لتر ٤٧ ريال عماني
انستانت بوت دو ٨ لتر ٥٧ ريال عماني
انستانت بوت دو بلس ٦ لتر ٦٢ ريال عماني
انستانت بوت دو بلس ٨ لتر ٧٦ ريال عماني

سعر حلة – قدر الضغط انستانت بوت في الكويت

انستانت بوت دو ٦ لتر ٣٩.٥ دينار كويتي
انستانت بوت دو ٨ لتر ٤٧.٥ دينار كويتي
انستانت بوت دو بلس ٦ لتر ٥١.٥ دينار كويتي
انستانت بوت دو بلس ٨ لتر ٦٣.٥ دينار كويتي

انستانت بوت دو ٦ لتر ٤٩ درهم بحريني
انستانت بوت دو ٨ لتر ٥٩ درهم بحريني
انستانت بوت دو بلس ٦ لتر ٦٥ درهم بحريني
انستانت بوت دو بلس ٨ لتر ٧٩ درهم بحريني

أماكن توافر حلة الضغط إنستانت بوت

موقع أمازون الإمارات
موقع نون
تافولا Tavola
Spinneys
waitrose & partners

موقع نون
تافولا Tavola KSA
محلات نايس
محلات إكسترا
محلات فيرجن virgin mega stores
أسواق التميمي

تافولا Tavola
eureka
ويليامز سونوما williams sonoma
x-cite إكسايت
مركز سلطان
plant & more
puffin

Tavola
Ashrafs أشرف
extra إكسترا

Tavola
Jeeblee
extra إكسترا

Tavola

أتمنى تكون المعلومات اللي قدمتها عن انستنانت بوت دو وانستانت بوت دو بلس دي أفادتكم، لو عندكم أي استفسارات حطوها في التعليقات أو ابعتوا لي على صفحة روزماري على فيس بوك أو اتصل بنا من خلال الموقع وبإذن الله هرد على كل استفساراتكم .

اترك تعليقاً