ليه بنحط ليمون على السلطة؟

كتبته : | تعليق واحد ما حيلتناش غيره | On : 2020-04-13 | التصنيف : صحية

عمرك سألتي نفسك احنا ليه بنحط ليمون على السلطة؟ يا ترى عشان الطعم بس؟ طيب هل ممكن الخل يحل محل الليمون؟

الحقيقة إن لليمون له أهمية كبيرة جدا على السلطة، لأن فيتامين سي بيساعد على امتصاص الحديد اللي في الخضروات اللي موجودة في السلطة. وحيث إن الليمون مصدر من مصادر فيتامين سي، فهو مناسب جدا لوضعه على السلطة.

طيب ازاي ممكن نستفيد من المعلومة دي في تطبيقات تانية في أكلنا؟

ممكن تاكلي برتقال وتفاح مع بعض. التفاح مصدر من مصادر الحديد والبرتقال غني بفيتامين سي، عصر الليمون على البنجر (الشمندر) لأن البنجر غني جدا بالحديد، أو ممكن لو بتحبي تحطي سبانخ على الجبنة البيضا في ساندوتشات، تديها عصرة ليمون

ونلاحظ إن الموضوع ده لا ينطبق على اللحوم، اللحوم الحديد اللي فيها بيمتص في الجسم من غير ما نحتاج نضيف لها ليمون أو غيره.

تعليق (1)

  1. بعتت Nado في تاريخ 2020-04-22

    تسلموا عالنصيحة

اترك تعليقاً