عن روزماري

التعليقات على عن روزماري مغلقة | 2020-01-29

روز وماري بنتين بيعشقوا الطبخ. كل واحدة فيهم ماهرة في صنف أو أكتر. في الوقت اللي ماري مبدعة فيه في كل أصناف اللحوم والأسماك والأطباق الرئيسية والشوربات والسلطات، روز فنانة في الحلويات والأطباق الجانبية. الاتنين مع بعض بيعملو دويتو هايل لأي عزومة أو حفلة أو حتى يوم بسيط في تجميعة عيلة حلوة.

ولأن روز وماري عارفين كويس أسرار الطبخ وعارفين كمان المجهود اللي أي واحدة ممكن تكون بتعلمه عشان تقدم لعيلتها وحبايبها أكلة حلوة، ولأنهم مقدرين جدا إن ده فن وكل واحدة في بيتها هي فنانة فعلا في مطبخها، ونفسها يختلف عن نفس أي واحدة تانية. فكروا إنهم يعبروا عن تقديرهم ده لكل واحدة بتقدم فنها الرفيع في مجال الطبخ لأسرتها وكل أحبابها. قرروا يطلقوا مسابقتهم اللي هتتعمل بصورة دورية على موقعهم وتطبيقهم اللي سموه باسمهم روزماري، وكمان باسم العشبة المعروفة اللي كتير مننا بيستخدمها في الأكل.

المسابقة ببساطة، طلب لطبخة معينة، ممكن تكون صنف حلو أو حادق وده هيتحدد في المسابقة، والمطلوب من كل واحدة تطبخ أكلة تناسب المسابقة دي وتضيف أكلتها بصورة من تصويرها لتنفيذها للأكلة دي، ونسيب الناس تقيم. مفيش تقييم من روزماري، التقييم من وإلى الناس. اللي هتاخد أعلى تقييم هتوصل لها هدية على عنوان بيتها. فيه أبسط من كدة؟

مستنية إيه؟ ياللا اشتركي معانا ومين عارف.. جايز يكون الدور عليكي تفوزي بجايزة من جوايزنا وتنضمي لشيفات روزماري